iNet.mn дагах

Ц.Чинбат: Хөгжлийн бэрхшээлтэй иргэдийн нэр барьж мөнгө завшдаг ТББ олширлоо

Жил бүрийн 12 дугаар сарын 3-нд Дэлхийн хөгжлийн бэрхшээлтэй иргэдийн эрхийг хамгаалах өдөр тохиодог. Энэ өдрийг тохиолдуулан Монгол Улсын Ерөнхийлөгчийн хөгжлийн бэрхшээлтэй иргэдийн асуудал хариуцсан орон тооны бус зөвлөх, Монголын брайль шатрын холбооны тэргүүн Ц.Чинбаттай манай улсын хөгжлийн бэрхшээлтэй иргэдийн нийгмийн байдал, хөдөлмөр эрхлэлт болон бусад сэдвээр ярилцлаа.

Та Монгол улсын Ерөнхийлөгчийн орон тооны бус зөвлөхөөр ажиллаж байна. Магадгүй энэ ажлыг хөгжлийн бэрхшээлтэй байтугай эрүүл хүн ч хийхэд хэцүү байх. Та ямар мэргэжилтэй хүн бэ?

Би 1996 онд МУИС-ийг улс төр судлаач мэргэжлээр суралцаж төгссөн. Дараа нь Улс төрийн боловсролын академид Насанд хүрэгчдийн иргэний боловсролын талаарх төрийн бодлогын зарим асуудал сэдвээр төрийн удирдлагын магистрын зэрэг хамгаалсан. Математик, физикийг л хүмүүс шинжлэх ухаан гэж хардаг боловч улс төр ч шинжлэх ухаан. Аль ч шинжлэх ухаанд мэдэхгүй хүн орж ирэхээр тухайн салбарыг сөнөөдөг гэж хэлж болно. Мэдэхгүй хүмүүст хэлж, ойлгуулж, төрийн бодлогыг зөв чиглүүлэхэд өөрийн хувь нэмрийг оруулах юмсан гэсэн эрмэлзлээр зүтгэж явна.

Сүүлийн тоо баримтаар манай улсад хөгжлийн бэрхшээлтэй хэчнээн хүн байна вэ?

Монголын хөгжлийн бэрхшээлтэй иргэдийн тоог ХНХЯ, ЭМЯ, Статистикийн газраас гаргасан тоонууд хоорондоо дандаа зөрж байдаг. Дунджаар авч үзэхэд 110 мянга гаруй хөгжлийн бэрхшээлтэй иргэн байна. Харин тэдний төлөө ажилладаг 799 байгууллага байна. Энэ жилээс хөгжлийн бэрхшээлтэй иргэдийн байгууллагууд нэгдэж Хөгжлийн бэрхшээлтэй иргэд байгууллагуудын Шүхэр ерөнхий зөвлөл байгуулагдсан. Миний бие энэ зөвлөлийг байгуулахад өөрийн хувь нэмрийг оруулж, бодлогын түвшинд дэмжин ажиллаж байна.

Хөгжлийн бэрхшээлтэй иргэдийн ТББ-ууд ямар зорилгоор нэгдэж байгаа вэ?

Хөгжлийн бэрхшээлтэй иргэдийн талаар төрөөс авч буй бодлогод тэдний санаа бодлыг тусгах, хэрэгжиж буй хуулинд хяналт тавих, мониторинг хийж үнэлгээ дүгнэлт өгөх, бодлогын хувьд төртэй параллель явах зайлшгүй шаардлагатай байгаа юм. Нэгдсэн нэг бодлоготой явах нь туйлын зорилго болоод байна.

Та өмнө нь хөгжлийн бэрхшээлтэй иргэдийн төлөө ажиллаж байсан уу?

2003, 2007 онд бид эрх ашгийнхаа төлөө өлсгөлөн зарлан тэмцэж байхад хүмүүс хүсэл эрмэлзлийнхээ төлөө чин сэтгэлээсээ нэгдэж байсан. Тэр үед бид олон асуудлыг шийдвэрлүүлж чадсан. Тухайлбал, 2003 онд хараагүйчүүдийн үйлдвэрийг татвараас чөлөөлүүлж, хараагүйчүүдийн бие даасан сургууль, номын сан, нөхөн сэргээх төв байгуулах зэрэг олон асуудлыг шийдвэрлүүлсэн. 2007 онд 80 гаруй цаг өлсгөлөн зарлаж тэмцсэний үр дүнд нийгмийн хамгааллын хуулинд нэн ядуу, бага боловсролтой, асран хамгаалах хүнгүй бол халамж авна гэсэн заалт болон бидний эрх ашгийг зөрчсөн бусад заалтыг өөрчлүүлж чадсан юм.

Одоо та бүхний эрх ашгийг хамгаалсан заалтууд хуулиудад тусаж байгаа юу?

Би 2003, 2007 оны тухай яагаад ярьж байна вэ гэхээр тэр үед биднийг хамгаалах зүйл байгаагүй учир тэмцэхээс өөр сонголт байгаагүй. Харин одоо бол 13 хуульд өөрчлөлт орж,  2009 онд НҮБ-ын Хөгжлийн Бэрхшээлтэй Иргэдийн Хүний Эрхийн Конвенцыг УИХ соёрхон баталсан. Мөн 2015 онд хөгжлийн бэрхшээлтэй иргэдийн эрхийг хамгаалсан бие даасан хуультай болсон. Гагцхүү хуулийн хэрэгжилтэд хяналт тавьж, мониторинг хийх хэрэгтэй байгаа юм. Одоо бол өлсгөлөн зарлаж жагсаж орилж хашхирах нь тийм ч үр дүнтэй арга биш болсон байна. Харин төр засагтай ширээний ард сууж хуулийг хэрхэн сайжруулах, хэрэгжүүлэх талаар зөвшилцөж хэлэлцээр хийх соёлд суралцах хэрэгтэй байгаа юм.

Монгол Улсад үйл ажиллагаа явуулж байгаа албан байгууллага тодорхой тооны хөгжлийн бэрхшээлтэй иргэдийг ажлын байраар хангах хуультай. Энэ хууль хэрэгжиж байна уу?

Хөдөлмөр өмгөөллийн тухай хуулийн 111.1-д зааснаар 25 хүн тутмын нэг нь хөгжлийн бэрхшээлтэй иргэн байна гэсэн хэрэгждэггүй заалтын хэрэгжилтийг хангахын тулд Монгол Улсын Ерөнхийлөгч Х.Баттулга хөгжлийн бэрхшээлтэй иргэдийн хөдөлмөр эрхлэлтийг дэмжих зорилгоор Засгийн газарт чиглэл өгч 128-р тоот зарлигийг 2018 оны 9 сарын 4-ний өдөр гаргасан. Үүний зэрэгцээ уг зарлигт Хөгжлийн бэрхшээлтэй иргэдийн хөдөлмөр эрхлэлт, хөгжлийн сан байгуулах тухай заалт ч орсон байгаа.
Албан байгууллагууд 25 ажилтан тутамд нэг хөгжлийн бэрхшээлтэй иргэн ажиллуулаагүй бол Эрдэнэт, Улаанбаатар, Дархан хотуудад ажилчдын дундаж цалингаар, хөдөө орон нутагт ажилчдын дундаж цалингийн 60 хувиар тооцсон нөхөн олговрыг энэхүү санд хуримтлуулах Засгийн газрын тогтоол гарсан.
2020 оны нэгдүгээр сараас Хөгжлийн бэрхшээлтэй иргэдийн хөдөлмөр эрхлэлт, хөгжлийн сан ажиллаж эхэлнэ.

Тэгэж тооцвол, санд багагүй хэмжээний мөнгөн хуримтлал бий болох юм байна. Үүнийг юунд зарцуулах вэ?

Санд жилд 100 орчим тэрбум төгрөг цугларна гэсэн урьдчилсан тооцоо гарсан. Дээр нь олон улсын буцалтгүй тусламж болон бусад орлогыг нэмээд үзэхэд, жилд 200 орчим тэрбум төгрөг энэ салбарт эргэлддэг.  Энэ мөнгийг яг зарцуулах ёстой хүнд хүргэх нь сангийн хамгийн гол зорилго. Хөгжлийн бэрхшээлтэй иргэдийн Бодлогын Шүхэр ерөнхий зөвлөл сангийн мөнгийг зарцуулахад саналаа оруулж хэрэгжилтэд нь хяналт тавих ёстой гэж үзэж байгаа.  Энэ ажилд бүх ТББ-уудын оролцоо нээлттэй. Харин Засгийн газар тухайн саналыг харгалзан үзэж зарцуулалт хийх үгүйг шийддэг байвал зохино.

Та дээр маш олон төрийн бус байгууллага байдаг гэсэн. Бүгд оролцох боломжтой гэж үү?

100 ямаанд 60 ухна гэгчээр хөгжлийн бэрхшээлтэй иргэдийн төлөө ажилладаг 799 байгууллага байгааг хэлсэн.
Яагаад ийм олон ТББ байгуулагдсаныг судалж үзэхэд, зарим нэг халамжийн дарга нар болон овжин зальтай хөгжлийн бэрхшээлтэй иргэд олон арван төрийн бус байгууллага байгуулж хяналтгүй байсан мөнгөнд гараа дүрдэг байж.
Жишээлбэл, сургалт хийнэ гээд 10, 20 сая төгрөг авдаг ч үнэн хэрэгтээ сургалт зохион байгуулсан эсэх нь эргэлзээтэй. Хяналтын механизм байгаа ч хяналт тавиулах сонирхолгүй зарим нэг дарга, хөгжлийн бэрхшээлтэй иргэдийн төрийн бус байгууллагын төлөөллүүд ч байгаа. Тэд хяналттай байхыг хүсэхгүй байгаагийн учир нь зовлон нэгтэй хүмүүсийнхээ нэрийг барьж тэдэнд очих ёстой мөнгийг дундаас нь хулгайлж идэх сонирхол нь давамгайлсан, мөн түүгээр амьдардаг болсон нь илт байна. Хуулийн дагуу хяналт тавих боломж бидэнд нээлттэй. Тиймээс бусад ТББ маань ч өөрсдөө итгэл үнэмшилтэйгээр оролцож эрх ашгаа хамгаалж бусармаг үйлдлүүдийг таслан зогсоож чадна.

2017 онд нийт 2400 хөгжлийн бэрхшээлтэй иргэнийг ажлын байртай болгоход багагүй хөрөнгө зарцуулсан. Энэ ажил хэр үр дүнгээ өгсөн бэ?

2017 онд 4.2 тэрбум төгрөгийг хөгжлийн бэрхшээлтэй иргэдийг ажил орлоготой болгоход зарцуулсан байдаг. Гэтэл дээрх мөнгө хаашаа орсон, хэчнээн хөгжлийн бэрхшээлтэй иргэн ажилтай болсон нь одоо хүртэл тодорхой бус. Яамнаас 2400 орчим хөгжлийн бэрхшээлтэй иргэнийг ажилтай болгосон гэдэг авч энэ нь зүгээр л цаасан дээр буусан тоо. Өнөөдөр хөгжлийн бэрхшээлтэй иргэдийн 2 хувь нь л ажилтай байна гэсэн судалгаа бий. Үнэхээр энэ төсөл хөтөлбөрүүд хэрэгжиж байсан бол бараг бүх хөгжлийн бэрхшээлтэй иргэн ажилтай болчихсон байх байсан биз ээ.
Аж ахуй нэгж байгууллагууд хөгжлийн бэрхшээлтэй иргэдэд зориулсан ажлын байр гаргаж өгөх боломж хэр байдаг вэ?

Аж ахуй нэгж, байгууллагууд хөгжлийн бэрхшээлтэй хүнд зориулсан ажил манайд байхгүй гэсэн байдлаар ханддаг. Хүмүүс нэг зүйлийг их буруугаар ярьдаг.
Хөгжлийн бэрхшээлтэй иргэнд зориулагдсан ажлын байр гэж хаана ч байхгүй. Харин хөгжлийн бэрхшээлтэй иргэдийг ажиллах нөхцөл, тэдэнд тохирсон техник хэрэгслээр хангах тухай л яриад байгаа юм.
Жишээлбэл, хараагүй хүн ажиллуулах бол тусгай ярьдаг компьютерын программыг суулгах, тухайн хүнд аюулгүй ажиллах орчинг бүрдүүлснээр хөгжлийн бэрхшээлтэй хүний ажлын бүтээмжийг нэмэгдүүлэх боломжтой.


Монгол Улсын Ерөнхийлөгч хөгжлийн бэрхшээлтэй иргэдийн асуудалд хэр анхаарал хандуулдаг вэ. Та Ерөнхийлөгчийн зөвлөхийн хувьд тэдгээр иргэдийн эрхийг хамгаалах, нийгмийн халамжийг сайжруулах тал дээр ямар бодлого баримталдаг вэ?

Яг энэ чиглэлээр өмнөх болон одоогийн Ерөнхийлөгчийн ажил хэргийг анзаарч харах хэрэгтэй. Монгол Улсын Ерөнхийлөгч хажуудаа хөгжлийн бэрхшээлтэй иргэдийн асуудал хариуцсан зөвлөхтэй байсан тохиолдол бараг байхгүй. Х.Баттулга Ерөнхийлөгчийн хувьд, хөгжлийн бэрхшээлтэй иргэдийг ойлгодог, тэдэнд анхаарал хандуулдаг учир надад ажиллахад ч амар байдаг. Ардчилсан нийгэмд хүн бүр тэгш эрхтэй байх ёстой. Хөгжлийн бэрхшээлтэй иргэдийг ч тэр боломжоор хангахад Ерөнхийлөгчийн бодлого чиглэдэг. Бэрхшээлтэй гэдэг үгийг урдаа бариад байвал нийгмээс хоцроод л байна гэсэн үг. Харин дэд бүтцийг нь шийдэж хөгжлийн бэрхшээлтэй иргэдийн нийгмийн оролцоог хангах нь төрийн бодлогын хамгийн чухал хэсэг. Үүнээс бусад нь хувь хүний хөгжилтэй холбоотой асуудал юм.

Олон улсын сайн туршлагаас манайх хэр нутагшуулж байна?

Өнгөрсөн долоодугаар сард Ази Номхон далайн бүсийн орнуудын Хөгжлийн бэрхшээлтэй иргэдийн 4-р чуулган манай улсад болоход миний бие зохион байгуулах ажлын хэсэгт ажилласан юм. Улсынхаа нэрийг бодоод ядаж зочид буудлууддаа тэргэнцэртэй хүмүүст зориулсан орц гарц барихыг зөвлөж ажлын хэсэг ч сайн ажилласны үр дүнд эерэг өөрчлөлтүүд гарсан. Үүний нэг жишээ нь, Чингис хаан олон улсын нисэх буудал хөгжлийн бэрхшээлтэй иргэдийг угтах үйлчилгээтэй болж, хараагүй хүн явах замтай болсон.
Цаашид улсын комисс шинэ барилга хүлээж авахад хөгжлийн бэрхшээлтэй иргэний төлөөлөл байлцах ёстой. Одоо баригдаж буй шинэ барилгуудад хөгжлийн бэрхшээлтэй иргэний орц гарцыг шийдсэн барилга хэд байгаа билээ дээ. 

Хөгжлийн бэрхшээлтэй иргэд, хүүхэд боловсрол эзэмших нь тулгамдсан асуудал байдаг. Олон улстай харьцуулахад манайх энэ асуудалд хэр анхаарал хандуулж байна вэ?

Миний бие Азийн орнуудаар явж туршлага судалсан. Ерөнхийлөгчийн хүний хөгжил, нийгмийн бодлогын зөвлөх Б.Үүрийнтуяатай зөвлөлдөж Нийгмийн хамгааллын тухай хууль, Боловсролын тухай хуулиудад өөрчлөлт оруулахаар өгсөн саналууд маань дэмжигдэж байна. Жишээлбэл, боловсрол олгох хүрээнд ганцаарчилсан сургалт зайлшгүй байх ёстой. Тэргэнцэртэй иргэн гэрээсээ онлайнаар сургалт авдаг байх ёстой. Нөгөө талаараа эрүүл хүүхдүүдийн дунд суугаад суралцах боломжоор ч хангагдах ёстой. Бид БНСУ-ын Green Teachers ТББ-тай хамтран Тусгай боловсролыг дэмжих төв байгуулж 2019 оны 9 сарын 30-нд БСШУСЯ-д хүлээлгэж өгсөн. Харамсалтай нь БСШУСЯ тэр төвийн утга учрыг ойлголгүй Боловсролын хүрээлэнд шилжүүлсэн. Харин Боловсролын хүрээлэн төвийн үйл ажиллагааг алдагдуулж энгийн нэг үзүүлэн шиг болгочихсон. Тэр төвд уг нь хөгжлийн бэрхшээлтэй хүүхэдтэй ажиллах 21 аймгийн багш нар, эцэг эхчүүдийг чадавхжуулж үйл ажиллагаа нь жигдэрч байсан юм. Тийм ч зорилгоор анхлан байгуулсан. Энэ талаар БСШУС-ын сайдад хандаж байсан ч өөрчлөлт гараагүй. Гэвч тусгай боловсролыг дайвар мэтээр харсаар байгаад харамсаж байна. Магадгүй дараагийн сайд ирээд ахиад л тусгай боловсролын төв нээнэ гэх байх. Үүнийг дагаад дахиад л зардал мөнгө цаг хугацаа урсаж өгнө. Ер нь тусгай боловсролыг ойлгодог дэмждэг хөгжлийн бэрхшээлтэй хүүхдэд сэтгэлтэй салбарын сайд, дарга нар байх хэрэгтэй юм шиг санагддагаа нуух юун.

Та зарим эрүүл саруул хүнээс илүү хөдөлмөрлөж байна. Энэ утгаараа нийгэмд тэр дундаа залуучуудад юуг үлгэрлэхийг хичээдэг вэ?

Манай залуучууд их залхуу байна. Амар хялбар аргаар мөнгө олохыг эрмэлздэг болж. Хүн хөдөлмөрлөж байж л баялаг бүтээнэ. Хэн нэгний цүнхийг барьж, даргад таалагдсанаар амьдрал дээшилж, хувь хүн хөгжинө гэж байхгүй.
Ардчилсан нийгмийн нэг давуу тал бол хүний хувь заяаг гарт нь өгсөн явдал.
Би 2000 онд хараагүй болоод гурван жил гэртээ зүгээр суусан юм. Тэр үед надад өөрөө өөрийнхөө төлөө хөдөлмөрлөж баялаг бүтээх, эсвэл халамжийн цөөхөн хэдэн төгрөгөө аваад амьдрах гэх хоёр л сонголт байсан. Хувь заяагаа хүн өөрөө л жолооддог юм байна.

Гадаад улс орнуудад хөгжлийн бэрхшээлтэй иргэд улс төрд ордог туршлага байдаг уу?

Гадаадын улс оронд хөгжлийн бэрхшээлтэй иргэд яаж улс төрд манлайлж болдгийг олон номноос уншиж, тэдгээрийн төлөөлөлтэй ч уулзаж байлаа. Тухайлбал, АНУ-ын Нью-Йорк хотын захирагч Дэвид Паторсон гэгч хараагүй хүн 2007-2010 онд улс төрийн алба хашиж байсан, БНСУ-ын парламентад 2000 оноос хойш хоёр ч хараагүй гишүүн байсан. Одоо ч тэргэнцэртэй гишүүн байдаг. Япон улсын парламентад 1993-2007 он хүртэл Хори Тошиказү гэдэг хараагүй гишүүн байсан. 2018 оноос хойш хоёр тэргэнцэртэй гишүүн парламентад нь сууж байна. Ер нь ардчилал хөгжсөн оронд иргэддээ тэгш боломж олгодог. Түүнээс биш бэрхшээлээр нь ангилаад гоочлоод байдаггүй юм байна гэдгийг л ойлгосон. Тэгээд миний бие 2015 онд Японы хөгжлийн бэрхшээлтэй парламентын гишүүн асан Хори Тошиказүгийн "Тэмцэл дунд туулж өнгөрүүлсэн он жилүүд" номыг монгол хэлнээ хөрвүүлүүлээд редакторлаж гаргасан. Энэ номоо 2015 онд Монголын УИХ-ын гишүүдэд уншаасай гэсэн үүднээс захидлын хамт шуудангаар хүргүүлж байсан. Гэвч харамсалтай нь хэчнээн гишүүн уншсаныг мэдэхгүй.

Та ирээдүйгээ хэрхэн төсөөлдөг вэ?

Миний хувьд аливаа асуудлыг өргөн утгаар нь харахыг хичээдэг. Надад өөрийн гэсэн хүсэл мөрөөдөл, итгэл үнэмшил бий. Зорьсон газар ч байгаа. Зорилгодоо хүрэхийн тулд олон саад бэрхшээлийг даван, туулж шантралгүй алхсаар л явна.

Ажлынхаа хажуугаар яруу найраг, шатрын спорт сонирхдог гэсэн. Монголд брайль шатрын спортыг хөгжүүлж байгаа талаараа яриач?

Шатрын спорт хүнийг бодож, суулгаж, тактикт сургадаг. Би хараатай байхдаа шатар тоглох их дуртай байсан юм. Одоо ч хааяа эрүүл хүмүүстэй шатар тоглож суудаг. Сэтгэл санаа тогтворгүй байхад шатар тоглосны дараа санаа бодол маань их цэгцтэй болчихсон байдаг. Монголчууд бид оюуны чадамжаараа дэлхийд гайхагдаж байна шүү дээ. Харааны бэрхшээлтэй иргэдийн дунд шатрын спортыг хөгжүүлэх хүсэлдээ автаж Монголд брайль шатрын холбоо 2019 оны 10 сард байгуулсан. Дэлхийн брайль шатрын холбоонд гишүүнээр элсэх хүсэлтээ явуулсан түүнчлэн Азийн Брайль шатрын аварга шалгаруулах тэмцээнийг ирэх оны дөрөвдүгээр сард Монгол Улсад зохион байгуулахаар санал тавьсан байгаа. Яруу найргийн хувьд бол сэтгэлээ амирлуулахын тулд өөртөө зориулж хэдэн мөрт холбодог гэх үү дээ. скачать dle 12.0

Хийн хоолойг дамжуулах чиглэл төмөр замын дагуу байхаар тохиролцлоо

Өнөөдөр, 13:11

“Нарны хүү, сарны охин” компанид байр захиалж, хохирсон иргэд цагдаагийн байгууллагад хандана уу

Өнөөдөр, 13:08

Дуучин Ч.Бат-Эрдэнийн шинэ албан тушаал

Өнөөдөр, 13:05

Иргэдийн нэр барьж шантаажлагсад хэн вэ

Өнөөдөр, 13:00

Сургуулиудад ус цэвэршүүлэгч суурилуулав

5/12/2019, 14:43

“Facebook” аялал, подкастад зориулсан программ бүтээхээр төлөвлөж байна

5/12/2019, 14:42

Ерөнхий сайд У.Хүрэлсүхийн ОХУ хийж буй айлчлал

5/12/2019, 14:31

Халаалтын 11 уурын зуухны янданд утаа шүүгч байхгүй байна

4/12/2019, 15:47

Гутлын бизнес эрхлэгчдэд үйлдвэрийн анхдагч үнээр хүссэн гутлаа хийлгүүлэх боломж нээгдлээ

4/12/2019, 15:44

Д.Одбаярыг БНСУ-д амьдарч буй монголчуудаас уучлалт гуйж, цэцийн гишүүнээс огцрохыг шаардлаа

4/12/2019, 15:41

Ерөнхий сайдын айлчлалын хүрээнд 12 баримт бичигт гарын үсэг зурлаа

4/12/2019, 15:38

ОХУ, Монгол Улс эрчим хүчний салбарт хамтран ажиллах гэрээ байгууллаа

4/12/2019, 15:36

Нийслэлд байшин, орон сууцны тооллого явагдаж байна

4/12/2019, 15:35

CCTV.com Монгол > Мэдээ > Дотоод мэдээ “Хөх тэнгэрийн орон” үзэсгэлэн Бээжинд нээлтээ хийлээ

4/12/2019, 15:34

“Хар тамхигүй орчин, ажлын байр” уриалгад ИНЕГ-ын хамт олон нэгдэж, шинжилгээнд хамрагдлаа

2/12/2019, 15:01

Залилангийн гэмт хэрэг үйлдсэн Нигери улсын иргэн Эжикем Чимези Жонд 10 жилийн хорих ял оноолоо

2/12/2019, 14:42

Монгол хийдүүдийн талаар цуврал нийтлэл - Хэрлэнгийн Зүүн хүрээ

2/12/2019, 14:38

Ц.Чинбат: Хөгжлийн бэрхшээлтэй иргэдийн нэр барьж мөнгө завшдаг ТББ олширлоо

2/12/2019, 14:16

Баян-Өлгий аймгийн “Даяннуур”-ын мөс цөмөрч ачааны автомашинтай иргэн живжээ

2/12/2019, 14:14

Автозам ашиглалтын хураамжаа Candy-гээрээ төлдөг боллоо

2/12/2019, 14:10

Үндсэн хуулийн цэцийн дарга Н.Чинбат боллоо

2/12/2019, 14:09

Байгаль орчны судалгаа, шинжилгээний төвтэй болов

2/12/2019, 14:05

Оюуны спортын тамирчид багаараа олон улсын холбооны дэлхийн аварга болов

2/12/2019, 14:04

Улсын начин Н.Баярбаатар түрүүлэв

28/11/2019, 11:10

Х.Баттулга: The Hu хамтлаг алтан "Гэрэгэ" адил дэлхий даяар Монголын нэрийг дуурсгалаа

28/11/2019, 11:07

Ш.Батболд: Нийгмийн тодорхой хэсэг "Жокер" киног үзээд өөрийгөө гол дүрээс нь олж харсан байж магадгүй

28/11/2019, 11:04

Төрийн захиргааны албан хаагчийн тангараг өргөх ёслол болов

26/11/2019, 14:41

Үндсэн хуульд оруулсан нэмэлт, өөрчлөлтийг ёсчлон баталгаажуулав

26/11/2019, 14:39

Эртний Монгол ахуйг харуулсан “Өв” үзэсгэлэнг нээв

25/11/2019, 14:02

Б.Шаравын "Алтан пянз"-ыг Төрийн түүхийн музейд залав

25/11/2019, 13:56

????? ????????? SpaceX ????????? ????? ??????? ?????

19/09/2018, 11:38

9/10/2018, 12:01

АНУ-ын шийдвэртэй холбоотойгоор алтны ханш буурч, нефтийн ханш өслөө

14/08/2019, 15:22

Г.Батхүү агсаны амь насаа алдсан Төрийн ордны газар

22/05/2019, 14:51

26/09/2018, 10:41

?.???????? ?????? ?????? ??????? ??????????? ???-?? ?????? ?????? ???????

21/09/2018, 13:45

"Монголыг чиглэсэн 100 мянган жуулчин агаарын тээврээс болж аяллаа цуцалдаг"

22/04/2019, 15:55

Уран уургач, бугуйлчдын тэмцээнээс....

27/02/2019, 17:25

Хэвлэл мэдээллийн салбарын гэрэл зурагчид үзэсгэлэнгээ нээв

25/03/2019, 09:25

Гамшиг осол тохиолдсон үед Ард иргэдийн ирэх “Түр Цугаларах Талбай”-д

25/04/2019, 16:13

??? ??????? ????????? ???? ?????? ????????? ?????? ??????? ???

19/09/2018, 14:37

Миний харсан Энэтхэгчүүд

13/03/2019, 09:42

ЦАГИЙН САЛХИ СЭВЭЛЗҮҮЛСЭН "ЦАГИЙН ЗӨРҮҮ" ФОРУМ

17/04/2019, 12:19

УИХ-ын даргаар Г.Занданшатарыг сонголоо

1/02/2019, 17:51

"Монгол бахархал" гэрэл зургийн үзэсгэлэнгээс

9/07/2019, 17:06

“ХИГАШИКАВА ОЛОН УЛСЫН ГЭРЭЛ ЗУРГИЙН ФЕСТИВАЛЬ”-Д МОНГОЛ СУРАГЧИД ХОЁРДОХ ЖИЛДЭЭ ОРОЛЦОХ ГЭЖ БАЙНА

30/07/2019, 13:58

“Бөмбөгөр ногоон театр” баримтат гэрэл зургийн цомгийн нээлт боллоо

6/03/2019, 17:19

Хятаны хосгүй үнэт үзмэрүүдийг дэлгэнэ

26/06/2019, 13:30

Монгол, Их Британи улсын далбаатай галт тэрэг аялалд гарав

19/02/2019, 15:55

Гайхамшигт Антрактид Девен Строссын нүдээр

21/02/2019, 10:18

АНУ-ын шийдвэртэй холбоотойгоор алтны ханш буурч, нефтийн ханш өслөө

14/08/2019, 15:22

Уран уургач, бугуйлчдын тэмцээнээс....

27/02/2019, 17:25

Г.Батхүү агсаны амь насаа алдсан Төрийн ордны газар

22/05/2019, 14:51

Миний харсан Энэтхэгчүүд

13/03/2019, 09:42

9/10/2018, 12:01

????? ????????? SpaceX ????????? ????? ??????? ?????

19/09/2018, 11:38

"Монголыг чиглэсэн 100 мянган жуулчин агаарын тээврээс болж аяллаа цуцалдаг"

22/04/2019, 15:55

26/09/2018, 10:41

?.???????? ?????? ?????? ??????? ??????????? ???-?? ?????? ?????? ???????

21/09/2018, 13:45

Гамшиг осол тохиолдсон үед Ард иргэдийн ирэх “Түр Цугаларах Талбай”-д

25/04/2019, 16:13

Хэвлэл мэдээллийн салбарын гэрэл зурагчид үзэсгэлэнгээ нээв

25/03/2019, 09:25

Үндэсний сэтгүүл зүй үүсэж хөгжсөний 106 жилийн ойн баярын өдөр

6/03/2019, 17:04

Гайхамшигт Антрактид Девен Строссын нүдээр

21/02/2019, 10:18

“ХӨХ СУВД – 2019”

4/03/2019, 12:52

ЦАГИЙН САЛХИ СЭВЭЛЗҮҮЛСЭН "ЦАГИЙН ЗӨРҮҮ" ФОРУМ

17/04/2019, 12:19

Уяачдад Монгол Улсын цол хүртээв

3/02/2019, 14:32

“Бөмбөгөр ногоон театр” баримтат гэрэл зургийн цомгийн нээлт боллоо

6/03/2019, 17:19

Монгол, Их Британи улсын далбаатай галт тэрэг аялалд гарав

19/02/2019, 15:55

???? ?????????? ?????

3/01/2019, 19:25

Хөдөлмөрийн баатар Б.Шарав агсны Жаргалтхаан сум дахь гэр урлан

1/10/2019, 11:09